An rantsar da Ngozi Okonjo Iweala a matsayin shugabar cibiyar kasuwanci ta duniya WTO

A litinin dinnan ce aka rantsar da tsohuwar ministar kudin kasar nan Ngozi Okonjo Iweala a matsayin shugabar cibiyar kasuwanci ta duniya WTO.

Ngozi Okonjo Iweala dai ta kasance mace ta farko kuma ‘yar afirka ta farko da ta zama shugabar cibiyar ta WTO.

Tun da fari dai cibiyar kasuwanci ta duniya ta kira wani taro a yau, wanda ake sa ran anan ne za a sanar da Ngozi a matsayin shugabar cibiyar.

A baya-bayan nan ne dai shugaba Joe Biden na Amurka ya goyi bayanta wanda sanadiyar hakan abokiyar hamayyarta Yoo-Myung-hee, ministar kasuwancin kasar Korea ta kudu ta janye daga takarar.