Zabe : Yadda INEC ta dage zaben cike gurbi a Najeriya

Hukumar zabe mai zaman kanta ta kasa INEC ta dage zaben cike gurbi na ‘yan majalisar dattijai guda 6 da ma sauran zabukan da ta shirya gudanarwa a cikin Jihohi 11 na kasar nan.

Daraktan sashen wayar da kan jam’a Festus Okoye ne ya sanar da hakan ta cikin wata sanarwa da ya fitar jiya.

Sanarwar ta kara da cewa an dakatar da zabukan da aka shirya gudanarwa a ranar 30 ga wannan wata na oktoba da muke ciki ne, sakamakon matsalolin tsaro da kasar nan ke fuskanta a halin yanzu.