Zulum ya aike da sakon ta’aziyar sa ga iyalan Kanal D.C. Bako

Gwamnan jihar Barno Babagana Umara Zulum ya mika sakon ta’aziyarsa ga iyalan da al’ummar kasar nan bisa mutuwar babban Kwamanda dake rundunar Operation Lafiya Dole Kanal D.C. Bako da mayakan boko haram suka hallaka.

Hakan na cikin wata sanarwar da mai magana da yawun gwamnan Mallam Isah Gusau ya fitar.

Ta cikin sanarwar Gwamman ya ce rashin D.C Bako babban rashi ne ga rundunar sojin kasar nan dama kasa baki daya inda ya bayyana shi a matsayin gwarzon soja da ya sadaukar da ran sa wajen hidimtawa kasar nan.

A dai ranar Lahadi da ta gabata wata ne rundunar sojin kasar nan ta tabbatar da mutuwar kanal D.C Bako.