Ƴan bindiga sun saki ɗaliban jami’ar Lafia

Rahotonin dake fitowa daga Jihar Nasarawa na ce wa yan bindigar da sukai garkuwa da wasu ɗaliban Jami’ar Taryayya ta Lafiya a makon jiya su takwas sun sako su.

Sai dai jami’an tsaro da mahukuntan jami’ar ba su bayyana ko an biya kuɗin fansa ko a’a ba kafin a saki daliban.

Abubakar Ibrahim, shi ne daraktan sashen hulɗa da jama’a da yada labarai na jami‘ar, ya yi wa Kafar yada labarai ƙarin bayanin cewa, ɗaliban da aka sace ɗin sun dawo cikin ƙoshin lafiya kuma tuni aka mika su ga iyayensu.