Connect with us

KannyWood

Ina fatan Allah ya bani sana’ar da tafi Kannywood -Mansur Makeup

Published

on

Fitaccen jaruminnan Bello Muhammad Bello wanda aka fi sani da BMB dan jihar Filato ya nuna takaicinsa kan yadda ya ce ba’a baiwa jaruman masana’antar Kannywood kulawa ba, a yayin taron gangamin yaki da cutar Cancer da aka gabatar a birnin tarayya Abuja karkashin jagorancin uwar gidan gwamnan jihar Kebbi Hajiya Zainab Bagudu.

Wannan batu na General BMB ya janyo cecekuce musamman a shafin sa na Instagram inda fitaccen mai kwalliyar nan Mansur MakeUp yazo yayi tsokaci kamar haka.

“Wannan gaskiyane General amma kaima ka san da laifin mutanenmu don suna gani akayi haka kuma baza su yi magana ba kamar yadda kace saboda kar don abinda za’a basu a hanasu kokuma don kada akara kiransu kwadayi yayi mana yawa talauci ya yawaita a Kannywood ALLAH kabamu sana’ar da tafi ta samu da kuma albarka”

Rubutu masu alaka:

Da gaske Adam Zango ya dauki nauyin karatun dalibai?

Kun san abinda ya hana jaruma Maryam Yahya aure?

Abinda ya sanya ba zan iya auren Yawale a zahiri ba -Rayya

Continue Reading

KannyWood

Da gaske Adam Zango ya dauki nauyin karatun dalibai?

Published

on

Mahukunta a makarantar Farfesa Ango Abdullahi dake Zaria, sun tabbatar da cewa jarumin fina-finan Hausa Adam A. Zango ya dauki nauyin karatun dalibai marayu guda 101 a makarantar.

Yayin tattaunawar da Freedom Radio tayi da shugaban makarantar Mallam Hamza Jibril ya tabbatar mana da cewa sun samu takarda daga dauke da bayanan cewa Adam Zango yana son zai dauki nauyin karatun dalibai har guda 101, kuma bayan da suka gama tattaunawa tuni Adam Zangon ya biya kudin tun a makon da ya gabata.

Dangane da daliban da za’a dauki nauyin karatun nas Mallam Hamza ya bayyana cewa Adam Zango ya baiwa masarautar Zazzau gurbin mutane 50 sai jam’iyyar APC aka bata gurbin mutane 31 sai kuma jam’iyyar PDP da aka baiwa mutane 20.

Dukkan su bisa sharadin zasu kawo dalibai marayu, ko talakawa da iyayen su basu da ikon biya musu kudin makaranta.

Haka zalika Mallam Hamza ya karyata dukkan rahotonnin dake yawo a soshiyal midiya na cewa batun daukar nauyin karya ne ba gaskiya bane.

Duk kokarin da Freedom Radio tayi na jin ta bakin jarumin Adam A. Zango amma abin ya ci tura, sai dai wani makusancinsa ya tabbatar mana da cewa Adamun ya dauki nauyin wadannan dalibai.

Tun a yammacin jiya ne dai labaran yake ta yawo a sohiyal midiya na cewa a damun ya dauki nauyin karatun daliban inda wasu ke ta gasgata labarin wasu kuma ke karyatawa.

Takardun shaidar biyan kudin da Adam Zango yayi.

RUBUTU MAI ALAKA:

Na taba yin soyayya da Maryam Yahaya a baya –Mai Shadda

Abinda ya sanya ba zan iya auren Yawale a zahiri ba -Rayya

Kun san abinda ya hana jaruma Maryam Yahya aure?

Kun san dalilan da suka sanya aka garkame Sadiya Haruna a gidan yari?

Continue Reading

KannyWood

Muhimman abubuwan da suka faru a Kannywood cikin makon da ya gabata

Published

on

A ranar Asabar ne aka rintsar da sabbin shuwagabannin ƙungiyar masu shirya finafinan Kannywood ta Nijeriya, wato MOPPAN, biyo bayan zaben da aka gudanar a garin Dutse babban birnin jihar Jigawa.

Tsohon shugaban Hukumar Tace Finafinai ta Ƙasa (NFVCB) shiyyar arewa-maso-yammacin ƙasar nan, Dakta Ahmad Sarari, shi ne ya lashe zaɓen zama shugaban kungiyar ta MOPPAN inda yayi nasarar kan abokin takararsa kuma shugaban ƙungiyar da ya nemi yin ta-zarce, wato Alh. Abdullahi Maikano Usman, Wanda tuni ya aike da sakon taya murna ga sabon shugaban.

Dakta Sarari dai yayi alkawarin sake bunkasa kasuwar fina-finan Hausa da kuma kara fadada tasirin masana’antar zuwa sauran jihohi, sannan yayi alkawarin ganin ya magance dukkan matsalolin dake addabar masana’antar ta Kannywood.

Dakta Ahmad Sarari Sabon Shugaban Kungiyar Moppon

(more…)

Continue Reading

KannyWood

Kun san dalilan da suka sanya aka garkame Sadiya Haruna a gidan yari?

Published

on

Kun san dalilan da suka sanya aka garkame Sadiya Haruna a gidan yari?

Biyo bayan da Rundunar ‘yansanda ta jihar Kano ta tabbatar da kame Sadiya Haruna shahararriyar jarumar nan ta soshiyal midiya, a kwanakin baya.

Har ma Kakakin rundunar ‘yansanda jihar Kano DSP. Abdullahi Haruna Kiyawa ya tabbatarwa da Freedom Radio cewa ‘yansanda na tsare da Sadiyan sakamakon korafin da jarumin fina-finan Hausa Isa I. Isa yayi kan na zargin taci zarafinsa da kuma bata masa suna, a kafafan sada zumunta da ma duniyar baki daya.

Sai dai kuma a kwanakin baya ne Fitacciyar ‘yar soshiyal midiyan a kafar sadarwa ta Instagram Sadiya Haruna ta bayyana cewa ta dauki shawarar da wasu daga cikin jaruman masana’antar Kannywood suka bata, kan ta daina magana bisa dambarwar da ta kaure tsakaninta da jarumi Isa A. Isa.

Yayin da wasu ke ganin cewar kamar an fara sulhu a tsakanin su da jarumi Isa A. Isa.

Ashe abun ba haka yake ba ganin yadda jarumin Isa A. Isa ya dage kan cewar sai kotu ta kwato masa hakinsa na bata masa suna da ‘yar soshiyal midiyan ta yi wato Sadiya Haruna.

RUBUTU ALAKA:

An fara sulhu tsakanin jaruman da suka yi auren mutu’a

Yadda akayi auren mutu’a a Kannywood

Kun san abinda ya hana jaruma Maryam Yahya aure?

A yau ne dai Kotun majistret mai lamba 15 karkashin mai shari’a Muntari Garba Dandago ta aike da wata mata mai suna sadiya Haruna gidan gyaran hali.

Tun da farko ‘yansanda ne suka gurfanar da ita bisa zargin bata suna laifin da ya saba da sashi na 391 na kundin hukunta masu laifin Penal code.

Kunshin tuhumar ya bayyana cewar wani mashiryin shirin Hausa mai suna Isa A Isa shine yayi korafin akan cewar sadiyar ta bata masa suna.

Yayin da aka karanta kunshin tuhumar a gareta sadiyar ta musanta zargin da ake mata.

Lauyan wacce a ake kara Y A Sharif ya roki a sanya ta a hannun beli, inda ya buga misali da sashi na 35 da na 36 na kundin tsarin mulki wanda aka yiwa gyaran fuska a shekarar 2011.

Sai dai mai gabatar da kara Jacob ya yi suka inda ya bayyanawa kotun cewar da zarar an bayar da belin wadda ake zargin za ta iya kawo tarnaki a binciken da ‘yansanda sukeyi ko kuma ta tserewa shari’a.

Mai sharia Muntari Dandago ya sanya ranar juma’a dan yin kwarya-kwaryar hukunci akan rokon beli ya kuma yi umarnin a tsare ta zuwa waccan rana.

Wakilin mu Yusuf Nadabo Isma’il ya zanta da mai kara Isa A Isa Wanda yayi Karin haske kan zargin da Sadiya tayi masa.

Duk wani yunkuri da wakilin namu yayi dan jin ta bakin sadiyar abin ya faskara sai dai a cikin kotun ta bayyanawa alkalin cewar wannan zargi bashi da tushe, balantana makama.

Continue Reading

Now Streaming

Trending

Copyright © 2019. Freedom Radio Group. All Rights Reserved.