Connect with us

Labaran Kano

Yadda matashi ya rasa ransa a hannun ‘yan sanda

Published

on

Tun a farko dai wani rikici ne ya faru tsakanin marigayin Abba Abdulkadir da wani a garin Madobi, inda yayi karar sa a wurin ‘yan sanda, sai dai basu samu kamo shi ba, mahaifinsa ya kai musu shi kafa da kafa.

Sai dai hakan a iya cewa ya bar baya da kura domin kuwa da zuwan mahaifin sai suka fara marin marigayin, a karshe dai ya rasa ransa sanadiyyar dukan da yasha a hannun ‘yan sandan, bayan da ya rama marin da guda daga cikin ‘yan sanda yayi masa.

‘Yan uwan marigayin sunyi kokarin kai shi asibiti a lokacin da ya gabata amma su kaje har asibitoci guda biyu sai dai aka ki karbarsu sakamakon halin da yake ciki, kasancewar ana bukatar saida sa hannun ‘yan sanda.

A karshe sun samu daya daga cikin ‘yan sandan wanda ya amince aka tafi dashi zuwa asibitin Murtala bayan da suka baiwa wani dan sanda cin hanci na Naira dubu takwas ya kaiwa DPO, don samun damar kaishi asibitin, wanda a can ne kuma rai yayi halinsa.

Kakakin rundunar ‘yan sanda ta jihar Kano DSP. Abdullahi Haruna Kiyawa ya tabbatarwa da Freedom Radio cewa tuni rundunar su ta samu wannan labari kuma sun cafke wadannan ‘yan sanda da ake zargi da aikata wannan mumunan laifi.

Sannan kwamishinan ‘yan sandan jihar Kano CP. Ahmed Iliyasu ya bada umarnin sauya DPO ‘yan sanda na garin Madobin, yayin da kuma aka tarwatsa ofishin na Madobi wajen sauyawa jami’an ‘yan sanda wuraren aiki saboda kaurin suna da ofishin yayi na karbar kudin bele da kuma cin hanci da rashawa

Suma a nasu bangaren wasu gungun lauyoyi masu kishin al’umma sun ce sun shirya tsaf domin kwatowa wannan matashi hakkinsa, a tattaunawar da Freedom Radio tayi da daya daga cikin lauyoyin Barista Abba Hikima Fagge ya bayyana mana cewa babu inda doka ta baiwa dan sanda damar ya doki farar hula, ko ya dauki hukunci a hannun sa.

Rubutu Masu Alaka:

‘Yan sanda sun cafke sojoji kan KAROTA

‘Yan sanda sun yiwa mutanen Bichi alkawari

Continue Reading

Labarai

Kwamishinan ‘Yan sandan jihar Kano ya ziyarci gidansu matashin da dan sanda ya harbe

Published

on

Kwamishinan ‘yan sanda na jihar Kano CP. Habu Ahmed Sani ya kai ziyarar ta’aziyya gidansu matashinnan marigayi Mus’ab Sammani da wani dan sanda ya harbe a makon da ya gabata, tawagar kwamishinan ta ziyarci gida dake unguwar Dantamashe a yankin karamar hukumar Ungogo dake nan Kano a safiyar yau.

CP. Habu Ahmed Sani ya bayyana cewa, yana kan hanyar sa ta zuwa birnin tarayya Abuja don hallatar wani muhimmin taro sai ya samu labarin faruwar al’amarin, kuma nan take ya juyo zuwa Kano inda ya bada umarnin fara bincike kan lamarin.

Ya zuwa yanzu tuni aka cafke dan sandan da ake zargi kuma an gurfanar da shi a gaban kotun ‘yan sanda domin girbar abinda ya shuka.

Kwamishinan ya kara da cewa, mutuwar matashin ba rashi bane ga iyayensa kadai har ma ga al’ummar Kano baki daya, adon haka za suyi duk mai yiwuwa wajen tabbatar da daukar mataki akai.

Hoto a yayin ziyarar

Tun faruwar al’amarin dai mataimakan kwamishinan ‘Yan sanda na jihar Kano sun kai ziyarar ta’aziyya gidan su marigayin.

Yayin ziyarar ta kwamishinan

Shima a nasa bangaren, mahaifin marigayin wato Mus’ab, Alhaji Sammani yayi godiya matuka tare da jinjinawa rundunar ‘yan sanda kan kokarin da take yi na bibiyar wannan al’amari, domin hukunta wanda ake zargi.

Sannan ya kara da cewa mutuwa karar kwana ce ga duk wanda ya kwanansa ya kare.

Labarai masu alaka:

Rundunar ‘yan sanda ta Kano ta yi holin masu yin garkuwa da mutane

Yan film sun karrama kwamishinan ‘yan sanda na jihar Kano

Jihar Kano ta sami sabon kwamishinan ‘yan sanda

Continue Reading

Labaran Kano

Gwamnatin Kano ta sake salo wajen kubutar da yaran Kano

Published

on

Dr Bashir Adamu Aliyu

Gamayyar Kungiyoyin  rajin kare hakkin al’umma a jihar Kano sunyi kira da babbar Murya ga gwamnatin Kano data kara kaimi wajen ganin ta kubutarda sauran yaran da aka sace domin dawo dasu cikin iyalansu.

Sakataren Gamayyar Kungiyoyin na Jihar Kano Injiniya Bashir Adamu Aliyu ne ya bayyana hakan lokacin taron da kungiyoyin suka shirya domin duba lafiyar iyayen yaran da basu magun guna kyauta tare da basu shawarwari ta fuskar shari’ah.

Bashir Adamu Aliyu ya kuma kara da cewa abun takaicine a cigaba da zuba idanu ana cigaba da satar kananan yara a Kano tare da canza musu addini , a don haka ya zama wajibi gwamnati ta kara matsa kora domin gano ko su waye.

Da take nata Jawabin a yayin taron Barista Sadiya Adamu Aliyu cewa tayi adadin yaran da aka sace ya karu don kuwa izuwa yanzu sama da iyayen yara dari ne suka shigar musu da korafin cewa an sace musu yaran su.

Wakilin mu Abdulkarim Muhammad Abdulkarim Tukuntawa ya ruwaito iyayen yara da dama ne suka halarci taron daga unguwanni daban daban wadanda aka sacewa yara sun kumayi fatan gwamnati ta yi gaggawar gudanarda buncike domin gano sauran yaran su da aka sace sakamakon mawuyacin halin damuwar da suke ciki.

Continue Reading

Labarai

Sarkin askar Kano ya kalubalanci likitoci akan yi wa maza shayi

Published

on

Sarkin Askar jihar Kano Ahaji  Dakta na Bango ya kalubalanci likitoci akan su daina sukar salon yi wa maza shayi da suke yi su.

Alhaji Dakta na bango ya bayyana hakan ne a yayin da ya kira taron manema Labarai domin nuna takaicinsa  kan  irin kallon raini da Likitoci suke yiwa sana`arsu.

A cewar sa sun gada ne tun iyaye da kakanni  ba wai da rana tsaka kawai suka shiga sana`ar ba.

Sarkin Kano ya bukaci masu rike da sarautun gargajiya su yi aiki kafada-da-kafada da hukumar ilimin manya

Ka zalika sarkin Askar ya bayyana bambamcin sana`ar tasu da ta likitoci yana mai buga misali da bambancin Kazar gida da Kazar gidan gona.

Na Bango ya  kara da cewa a kasashen da aka cigaba likitan turawa  basa sukar masu magugunan gargajiya,ko kuma su kan su  masu maganin gargajiya su soki magugunan turawa.

Yana mai cewar akan haka ya zama wajibi likotoci su dena sukar kai tsaye su don kuwa su basa yi.

Sarkin Askar ya kara da fadar bambanci akan shayi,inda yace shayi ya kasu a kalla kala Goma, kuma  bambanci sosai a tsakanin Shayin asibiti da na gargajiya.

 

 

 

Continue Reading

Now Streaming

Trending

Copyright © 2019. Freedom Radio Group. All Rights Reserved.