Jim kadan bayan kotun koli ta tabbatar da nasarar da Gwamnan Kano Abdullahi Umar Ganduje  a zaben shekarar bara wasu daga cikin magoya bayan Gwamna Ganduje suka rika kai ziyarar taya murna ga gwamna Abdullahi Umar Ganduje.

A irin jawaban da gwamnan ya rika yi an rawaito  cewa Gwamnan ya ayyana ritayar siyasa da yayiwa tsohon amininsa a siyasance kuma tsohon gwamnan Kano Injiniya Rabiu Musa Kwankwaso.

Hakan ya biyo bayan tataburza da gwamna Abdullahi Umar Ganduje yayi kafin ya koma mukamin nasa na gwamnan Kano.

Masu bibiyar al’amuran yau da kullum sun san cewar Gwamnan jihar Kano mai ci a yanzu Dr Abdullahi Umar Ganduje ya sha tataburza kafin ya lashe zaben gwamna a watan Maris na shekarar ta bara.

Sai da ta kai an kai zagaye na biyu kafin a bayyana wanda ya lashe zaben gwamnan na jihar Kano.

Bayan rantsar da gwamnan Kano Abdullahi Umar Ganduje ne babban abokin karawarsa a zaben gwamnan na Kano kuma dantakarar jamiyyar PDP Injiniya Abba Kabir Yusuf ya shigar da kara a gaban kotun sauraran kararrakin zaben gwamna yana kalubalantar ayyana gwamna Ganduje a matsayin wanda ya lashe zaben gwamnan Kano.

Kotun sauraran kararrakin zaben wanda mai shariah Halima Shamaki ke jagoranta ta yanke hukunci da cewa gwamna Abdullahi Ganduje ne ya lashe zaben na gwamnan Kano.

Sai da ta kai Injiniya Abba Kabir Yusuf ya kai ga kotun kolin kasar nan domin ganin ya tabbatar da an yanke hukunci, sai dai duk hukunce hukunce da kotun kasa da na kolin suka yi babu wacce ta bawa Abba Kabir nasara.

Duk da cewa ba tsohon aminin Gwamna Abdullahi Umar Ganduje ne ya tsaya takarar gwamna ba wato injiniya Rabiu Musa Kwankwaso sai gashi gwamna Ganduje na cewa yayiwa Kwankwaso ritaya a siyasar Najeriya.

Amma ana ganin dalilan da yasa gwamna Ganduje yace yayiwa Kwankwaso ritaya a siyasar Najeriya hakan ba zai rasa nasaba da cewa dantakarar gwamna na jamiyyar PDP Abba Kabir Yusuf jagoran jamiyyar PDP kuma tsohon Gwamna Injiniya Rabiu Musa Kwankwaso ne ya tsayar da shi.

Buhari ya nada Abdulrahman Baffa Yola a matsayin mai takaimakasa a harkokin siyasa

Shugaba Buhari yayi ganawar sirri da wasu tawagar yan siyasa daga Kano

Masharhanta al’amuran siyasa na ganin cewa Gwamna Abdullahi Umar Ganduje bai dauki abokin takarar sa lokacin zaben gwamnan Kano Injiniya Abba Kabir Yusuf a matsayin barzana gare shi a siyasa ba, illa tsohon amininsa kuma tsohon gwamnan Kano Injiniya Rabiu Musa Kwankwaso.

Hakan ba zai rasa alaka da raba gari da suka yi a siyasa ba tun bayan shi tsohon gwamna Rabiu Musa Kwankwaso ya tsayar da gwamna Abdullahi Umar Ganduje a matsayin wanda zai gaje shi a zaben shekarar 2015.

Bayan gwamna Ganduje ya lashe zaben ne ,rigimar siyasa ta kunno kai a jihar ta Kano inda Gwamna Ganduje ya bar gidan siyasar Kwankwasiyya shima ya kafa gidansa wanda ake kira da Gandujiyya.

Shima tsohon gwamna Inijiniya Rabiu Musa Kwankwaso an taba rawaitowa cewa ya taba yin ikirarin zai yiwa Gwamna Abdullahi Umar Ganduje da shugaban kasa Muhammadu Buhari ritaya a siyasa.

Amma Gwamna Ganduje bai mayar da martani ba sai bayan fiye da shekara daya da ikirarin da aka ce tsohon gwamna Rabiu Musa Kwankwaso yayi na yiwa Gwamna Ganduje da shugaba Muhammadu Buhari ritaya a siyasar Najeriya.

Ko shin menene yin ritaya a siyasa kamar yadda ‘’yan siyasar  biyu suka rika ambatawa,wato Gwamna Abdullahi Umar Ganduje da Injiniya Rabiu Musa Kwankwaso?

Idan har ritaya a siyasa shine faduwa zabe ko rasa mukami na siyasa to shi kansa Injiniya Rabiu Musa Kwankwaso da Gwamna Abdullahi Umar Ganduje tsohon Gwamnan Kano kuma Sanata mai wakiltar Kano ta tsakiya Malam Ibrahim Shekarau ya taba yi musu ritaya a siyasa a shekarar 2003 har zuwa shekarar 2011.

Ko hukuncin Kotun Koli ya kawo karshen Siyasar Kwankwasiya a Kano?

Ko babban Akanta na Najeriya zai yi takarar Gwamnan Kano?

A tsawon shekaru takwas da Malam Ibrahim shekarau yayi yana mulkin Kano sai da aka daina jin duriyar tsohon Gwamnan Kano Injiniya Rabiu Musa Kwankwaso musamman ma tsohon mataimakinsa Dr Abdullahi Umar Ganduje.

Duk da gwamnatin tarayya zamanin tsohon shugaban kasa Olusegun Obasanjo ta bawa Injiniya Rabiu Musa Kwankwaso ministan tsaro shi kuma Dr Abdullahi Umar Ganduje ya zama mai taimaka masa na musamman yanayin siyasar Kano sai da ya juya musu baya.

Har sai a shekarar 2011 da suka sake lashe zabe a karkashin jam’iyyar PDP sannan yanayin siyasar Najeriya ya fara yi da su har zuwa yanzu.

Ko yaya wannan ritaya da Gwamna Abdullahi Umar Ganduje yace yayi wa Injiniya Rabiu Musa Kwankwaso zata kasance ?

A kakar zaben shekarar 2019 siyasar jihar Kano ta dauki wani sabon salo da masharhanta da dama suka karkatar da alkalumansu a game da yadda siyasar jihar ta Kano ta rika gudana.

Tun a shekarar 2016 ne a watan Maris rigimar siyasa ta barke tsakanin tsohon gwamnan Kano Rabiu  Musa Kwankwaso da gwamnan Kano mai ci a yanzu Dr Abdullahi Umar Ganduje.

Wannan sabon salo da siyasar ta jihar Kano ta dauka yasa shugabannin majalisar dokokin jihar Kano karkashin jagorancin tsohon shugaban majal  isar  Kabiru Alhasan Rurum suka bukaci Gwamnan Kano Dr Abdullahi Umar Ganduje da ya  cire jihar hula.

A lokacin mafi rinjaye na ‘’yan majalisar ta jihar Kano sun cire jihar hula banda ‘’yan tsiraru daga ciki.

Amma lokacin da Gwamna Abdullahi Umar Ganduje yake mayar da jawabi ya nemi ‘’yan majalisar ta jihar Kano da su yi  masa afuwa shi da tsohon mataimakin sa Farfesa Hafizu Abubakar na su cigaba da saka jar hular har zuwa wani lokaci.

Hakan akayi ta tafiya, Gwamna Abdullahi Umar Ganduje na saka jar hula shi da mataimakinsa har zuwa karshen shekarar 2018.

Amma kafin akai karshen shekarar 2018 din ce mataimakin gwamnan na jihar Kano Farfesa Hafizu Abubakar, ranar 4 ga watan Agusta ya sanar da cewa yayi murabus daga kan kujerar mataimakin Gwamna.

Dalilin haka ne ya saka kujerar ta zama babu kowa har zuwa lokacin da Gwamna Abdullahi Umar Ganduje ya tura sunan Alhaji Nasiru Yusuf Gawuna a matsayin wanda ya maye gurbin Farfesa Hafizu Abubakar.

Jim kadan bayan sanarwar Murabus din da yayi, sai Farfesa Hafizu Abubakar ya bayyana komawar sa jam’iyyar PDP inda ya gayawa manema labarai a cibiyar bincike da harkokin nazarin Dumkradiyya ta Mambayya cewa ya bi jagoransa a siyasa wato Injinya Rabiu Musa Kwankwaso zuwa jam’iyyar PDP.

Farfesa Hafizu Abubakar ya koma gidan siyasa na Kwankwasiyya lokacin da ake shirin fitar da ‘’yantakarar gwamna.

Bayan da aka yi zaben fitar da gwani na jam’iyyar PDP sai Abba Kabiru Yusuf da Kwamared Aminu Abdussalam suka bayyana a matsayin  ‘’yan takarar gwamna da mataimaki.

Hakan ta saka wasu ‘’yan takarar na gwamna da suka hada da shi Farfesa Hafizu Abubakar da Malam Salihu Sagir Takai da Architect Aminu Abubakar Dabo da marigayi Sanata Isah Yahaya Zarewa suka bar jam’iyyar ta PDP.

Farfesa Hafizu Abubakar na gaisawa da Shugaba Buhari a fadar Villa

Barinsu jamiyyar ta PDP wasunsu, irin su Architect Aminu Abubakar Dabo da Sanata Isa Yahaya Zarewa suka koma jam’iyyar APC.

Amma Farfesa Hafizu Abubakar tare da  Malam Salihu Sagir Takai sun koma jam’iyyar PRP mai mukulli.

Jamiyyar PRP ta tsayar da Malam Salihu Sagir Takai a dantakarar ta na Gwamna,sannan daga baya Farfesa Hafizu Abubakar ya sake komawa wata jamiyyar duk a tsakanin murabus dinsa zuwa zaben shekarar bara ta 2019.

Idan ba’a farga ba  Yan siyasa zasu yi amfani da Almajirai a matsayin ‘’Yandaba- Sarki Sunusi II

Sarkin Muslim ya bukaci gwamnatin tarayya samar da hanyoyin dakili matsalolin siyasa da addinai

Daga baya kuma Farfesa Hafizu Abubakar ya sake komawa jami’yyar APC, ,sannan daga bisani ya daina  saka jar hula da aka saba ganin sa da ita.

Tsohon mataimakin gwamnan na Kano bayan komawar sa jamiyyar ta APC ,gwamnan jihar Jigawa Muhammadu Badaru Abubakar ya jagoranci  ce su da shi da Architect Aminu Abubakar Dabo da Marigayi Sanata Isa Yahaya Zarewa inda suka gana da shugaban kasa Muhammadu Buhari.

Kafin da bayan kammala zaben shekarar bara ne dai Farfesa Hafizu Abubakar ya rika bayyana a taruka da dama na jam’iyyar APC wanda ya hada da taro Shugaban kasa Muhammadu Buhari lokacin da yazo yakin neman zabe jihar Kano.

Bayan haka yana bayyana a  abubuwa da dama da suka shafi harkokin gwamnatin jihar Kano da  gwamna Dr Abdullahi Umar Ganduje, sannan ya taba kaiwa magajin sa Dr Nasiru Yusuf Gawuna ziyara ofishinsa.

Shi kansa Gwamnan Kano Dr Abdullahi Umar Ganduje ya taba daukar tawagar manyan ‘’yan siyasa kafin zabe sun kai ziyara gidan Farfesa Hafizu Abubakar ,daga ciki har da Sanata mai wakiltar Kano ta tsakiya Sanata Malam Ibrahim Shekarau da shugaban jam’iyyar APC na jihar Kano Alhaji Abdullahi Abbas.

Duk da hakan jama’a na ta dakon su ga shin a siyasance musamman ma a jami’yyar ta APC dake mulkin jihar Kano da na tarayyar Najeriya me Gwamnati zata yiwa Farfesa Hafizu Abubakar.

A matsayin sa na kwarraran Farfesa akan lafiyar abinci anyi dako a ga kowanne matsayi shugaban kasa Muhammadu Buhari zai bashi bayan komawa kan karagar mulki amma shiru kake ji.

Majalisar Kano ta amince Ganduje ya ciyo bashin Naira Biliyan Goma Sha Biyar

Gwamna Ganduje ya bukaci hadin kan jam’iyyun adawa

Hatta sanda shugaba Buhari ya kai sunayen ministoci wasu sun yi hasashen su ga ko da sunan Farfesa Hafizu Abubakar, sai kwatsam ga sunan Alhaji Sabo Nanono da Manjo Janar Bashir Salihi Magashi.

Masu sharhin al’amuran yau da kullum na ganin cewa a jihar Kano indai ba mukamin Gwamna Farfesa Hafizu Abubakar zai samu ba, sai dai ka mayar da shi mukamin sa na mataimakin Gwamna wadda a yanzu akwai wanda yake kanta.

Duk mukamin da aka bawa Farfesa Hafizu Abubakar sabanin Gwamna ko mataimakin sa a jihar Kano ci baya ne gare shi a siyasa.

Kasa da mako guda, bayan faduwar tsohon dan majalisar tarayya mai wakiltar kananan hukumomin Kiru da Bebeji, na jam’iyyar APC Abdulmumin Jibril Kofa, ya ce ya koma kasuwanci don cigaba da gudanar da harkokin sa na yau da kullum.

Abdulmumin Jibril Kofa, ya bayyana hakan ne, a shafin sa na dandalin sada zamunta na Facebook, inda ya wallafa hoton sa da na dan sa Abdulrahman Majidadi, sannan ya kara da cewa
“Mun koma harkokin kasuwanci, zan duba na gani shin har yanzu da sauran kasuwanci a tartare dani, watakila a dace na yi kasuwa sosai tare da samun kudade da dama”.

Abdurrahman Majidadi

Haka kuma tsohon dan Majalisar, ya ce dan nasa ya bashi shawarwari, kuma zaman nasu ya yi armashi, inda ya wallafa hotuna, da kuma hoto mai motsi wato Bidiyo a yayin komawar tasa zuwa ofishin kasuwancin sa.

Labarai masu alaka:

Majalisar wakilai ta janye dakatarwar da ta yiwa Abdulmumin Jibrin kofa
A baya-bayan dai, dan Majalisar ya yi fama da rikice -rikicen cikin gida a jam’iyyar sa, wanda ya janyo masa dakatarwa a majalisa.

Har ila yau, bayan dawowar Abdulmumin Kofa daga dakatarwar da akayi masa, ya samu sabani da jagororin jam’iyyar na jihar Kano.

Al’umma na ganin hakanne ya sanya aka dauki hotunan bidiyon sa yayin da yake baiwa shugaban jam’iyyar na jiha Abdullahi Abbas, hakuri, lokacin da ya durkusa masa a filin jirgin sama na Malam Aminu Kano, dake nan Kano.

Sai dai duk da hakan ya yin zaben cike gurbi daya gudana a Asabar din makon jiya, dan takarar ya sha Kaye a hannun abokin karawar sa na jam’iyyar hamayya ta PDP Ali Datti Yako.

Labarai Masu Alaka:

Mun samu rahoton aikata ba daidai ba a wasu mazabu-Abdulmumini Jibrin.