Labarai
Kano: Masu fama da cutar koda sun roki gwamnati ta mayar da wankin Koda kyauta
Masu fama da cutar Koda a jihar Kano sun roki gwamnan Kano Dakta Abdullahi Umar Ganduje kan ya mayar da yin aikin wankin koda kyauta a jihar.
Jihar Kano dai ita ce jihar da ta kere sauran jihohi yawan masu fama da cutar koda a Najeriya, a don haka masu fama da larurar suka garzayo shirin Inda Ranka na nan Freedom Radio, inda suka nemi gwamnatin jihar tayi duba na tsanake domin kulawa da lafiyar su.
A cewar su tuni Gwamnan jihar Borno Farfesa Baba Gana Zulum ya mayar da aikin wankin kodar kyauta a jihar sa, a don haka jihar Kano ita tafi can-canta da tayi wannan aiki.
A karshe masu cutar sun bayyana yadda suke kashe kudade a kowane lokaci don wannan jiyyar.
Labarai masu alaka:
Gwamnatin Kano za ta fara karrama ma’aikatan lafiya
Abubuwan da ya kamata ku sani gami da lafiyar Idanu
