Connect with us

Manyan Labarai

Yadda  Gwamnonin Jihar Kano suka aiwatar da ayyukan raya kasa.

Published

on

Tun sanda aka kirkiri jihar Kano ranar 27 ga watan Mayu na shekarar 1967 kimanin shekaru 52 kenan jihar ta Kano ke fuskantar kalubale da nasarori na shugabanci.

Bayan kirkirar jihar Kano zamanin mulkin tsohon shugaban kasa Janar Yakubu Gowon aka turo Marigayi Kwamishinan Yansanda Marigayi Alhaji Audu Bako a matsayin Gwamnan jihar Kano na farko.

Marigayi Audu Bako ya Mulki jihar Kano na kusan tsawon shekaru 9 har zuwa sanda Janar Murtala ya tumubuke gwamnatin Janar Yakubu Gowon.

Duk irin abubuwan da jihar Kano ke takama da shi a yanzu ana alakanta shi ne da mulkin Marigayi Alhaji Audu Bako da ya hada da madatsar ruwa ta Tiga, kimanin shekaru hamsin al’ummar Kano na amfana da wannan madatsar ruwa domin yin noman rani.

Sai Gwamnan Kano na biyu Kanar Sani Bello wanda ya ka kafa makarantun kimiyya da fasaha na Dawakin kudu da Dawakin Tofa, wadannan makarantu al’ummar Jihar Kano na alfahari da su wanda sakamakon haka ‘yan asalin jihar Kano dake sassan Duniya sun zama manyan likitoci.

Sai Gwamna Ishaya Aboi Shekari da ya dubi yadda aka mika Mulki daga hannun soja zuwa farar hula.

A ranar daya ga watan Oktoban shekarar 1979 Najeriya ta dawo turbar dumukradiyya inda sojoji suka mika Mulki ga farar hula , a tsohuwar Jihar Kano wacce take hade da Jihar Jigawa ta yanzu Marigayi Alhaji Muhammadu Abubakar Rimi ne ya zama gwamnan Jihar Kano.

Zaman  Alhaji Muhammadu Abubakar Rimi Gwamnan Jihar Kano ya saka tsohuwar Jihar Kano ta samu sauye sauye a tsawon shekaru hudu da yayi yana mulkin tsohuwar jihar ta Kano.

Daga cikin nasarorin da gwamna Muhammadu Abubakar Rimi ya samu akwai gina makarantun sakandire fiye da dari biyu a fadin jihar Kano da Jigawa ta yanzu ,da kai wutar lantarki zuwa lokuna da sako na jihar Kano da ya hada da kauyuka.

Rahotanni na nuni da cewa mafi yawa daga cikin wasu kauyuka da Marigayi Alhaji Muhammadu Abubakar Rimi ya kai wutar lantarki har yanzu Falwayoyin su suna nan kuma ana aiki da su yadda ya kamata.

Bayan marigayi Alhaji Abubakar Rimi ya kammala wa’adin mulkin sa ne aka yi zabe sai Marigayi Alhaji Sabo Bakin Zuwo ya karbi Mulki.

Amma akwai wani abu da ba’a taba yiba wata uku kafin zabe marigayi Alhaji Muhammadu Abubakar Rimi ya sauka daga mukamin Gwamna inda ya nada mataimakin sa Marigayi Alhaji Abdu Dawakin Tofa.

Bayan Alhaji Sabo Bakin Zuwo ya karbi gwamnati a ranar 1 ga watan Oktoban 1983 ne wata uku rak yana kan karaga sai sojoji suka yi juyin Mulki.

Daga baya gwamnonin mulkin soja sun biyo baya irin su Air Vice Marshal Hamza Abdullahi da Kanal Ahmad Muhammad Daku sai Group Captain Muhammadu Ndatsu Umaru da Kanal Idris Garba.

A watan Janairun shekarar 1992 ne Kanal Idris Garba ya mika Mulki ga Alhaji Kabiru Ibrahim Gaya wadda Gwamnatin sa bata dade ba wanda ya sauka a ranar 18 ga watan Nuwambar shekarar 1993 bayan Janar Sani Abacha ya tumbuke gwamnatin rikon kwarya ta Cif  Ernest Shonekan.

Daga nan ne aka nada kantomomin mulkin soja irin su Marigayi Kanal Muhammadu Abdullahi Wase da Kanal Dominic Obukudata Oneya da Kanal Aminu Isa Kontagora.

Amma a ranar 29 ga watan May una shekarar 1999 Kanal Aminu Isa Kontagora ya mika Mulki ga Injiniya Rabiu Musa Kwankwaso a filin wasa na Sani Abacha.

Karbar mulki da Rabiu Musa Kwankwaso yayi ke da wuya ya fara ayyukan raya kasa da suka hada da jona wutar lantarki a kauyukan jihar Kano da fito da shirin CRC da ciyar da daliban makarantun Firamare da daukar ‘yan asalin jihar Kano.

Rabiu Musa Kwankwaso ya dauki masu shedar takaddun digiri su dubu daya aiki a gwamnati.

Bayan faduwar Rabiu Musa Kwankwaso gwamnan Jihar Kano Malam Ibrahim Shekarau ya karbi gwamnati a ranar 29 ga watan Mayu na shekarar 2003 ya fito da tsare tsare kamar gyara   titunan jihar Kano dake birni da kauyuka da daukar nauyin matasa a taimakon marasa karfi.

Bayan saukar Malam Ibrahim Shekarau a ranar 29 ga watan Mayu na shekarar 2011 Injiniya Rabiu Musa Kwankwaso ya sake dawowa mulkin jihar Kano inda ya gaji Malam Ibrahim Shekarau ,Injiniya Rabiu Musa Kwankwaso ne ya fara yiwa birnin Kano gadar sama da motoci zasu rika hawa da tura matasa kimanin dubu biyu kasashen waje domin yin karatun digiri na biyu.

Magajin injiniya Rabiu Musa Kwankwaso kuma gwamnan Kano mai ci a yanzu Dr Abdullahi Umar Ganduje ya dora akan ayyukan da inijinya Rabiu Musa Kwankwaso yayi.

Gwamna Abdullahi Umar Ganduje shi ma ya kirkiri nasa ayyukan kamar gadar kasa ta hanyar Pansheka ta Titin Sheikh Jafar sai Kuma gadar kasa dake kofar ruwa da sauran su.

 

Ko yaya al’ummar Kano zasu yiwa gwamnonin su alkalanci ?

Labaran Kano

Sarki Sanusi II ya taya Ganduje murnar samun nasara a Kotu

Published

on

Mai martaba Sarkin Kano Muhammadu Sunusi na II, ya taya gwamnan jihar Kano murnar samun nasara a kotun koli na jaddada Kujerar sa a matsayin zababben gwamnan jihar Kano.

Muhammadu Sunusi na II, ya yi wannan kiran ne a yau a dakin taro na Afirka House, a lokacin da ya raka Oba na Benin Omo N’oba N’Edo UkuAkpolokpolo Ewuare na II, ziyara ta musamman wajen gwamnan jihar Kano.

Kazalika, Sakin yayi kira da a samu hadin kai tsakanin masu rike da madafun iko da masu sarautun gargajiya, don samar da jagoranci na gari tare da yiwa al’umma aiyyukan raya kasa.

Har ila yau, Muhammadu Sunusi na II, ya kara da cewa, lokaci ya yi da za’a manta da banbance da rashin jituwa tare da sa cigaban jiha a gaba.

Gwamna Ganduje ya nada Sarkin Kano Muhammad Sunusi shugaban majalisar Sarakunan Jihar Kano

Sarkin Kano ya bude masallacin juma’a na sabuwar jami’ar Bayero

Hukumomin kiwon lafiya na yin dukkanin mai yuwa kan cutar lassa- Sarkin Kano

A nasa jawabin Oba na Benin, Omo N’Oba N’Edo Uku Akpolokpolo Ewuare na II, ya ce Sarakunan gargajiya a fadin kasa na da muhimmiyar rawar da suke takawa wajen hadin kan al’ummar kasar nan mai Kabilu da al’adu daban -daban, wanda hakanne ya sanya ya taso musamman don jaddada wannan kudiri tsakanin al’ummar sa da ta jihar Kano.

Shima a nasa jawabin gwamna Dr. Abdullahi Umar Ganduje, ya ce gwamnatin sa a shirye take da hada kai tare da karbar shawarwari, daga dukkan masu rike da masarautun gargajiya a fadin kasar nan, kasancewar su wata Rumfa mai muhimmanci wajen, hadin kan al’umma, da zaman lafiya tare da bunkasa kasa gaba daya.

Wakilinmu na fadar gwamnatin jiha Aminu Halilu Tudunwada, ya ruwaito mana cewa Sarakunan guda biyu na Kano da na Benin, sun samu rakiyar tawagar wasu daga cikin hakimansu a ziyarar da suka kai fadar gwamnatin jiha.

Continue Reading

Labaran Kano

Za’a sake tona wata gawa da aka binne-Ustaz Sarki Yola

Published

on

Babbar kotun shari’ar musulunci karkashin Mai sharia Ustaz Sarki Yola a Kano tayi umarni da a tono wata gawa da aka binne ba daidai ba.

Mai shari’ar Ustza Sarki Yola ya bada umarnin ne bayan zaman kotun a yau Litinin

Ku saurari cikakken labarin cikin shirin Inda rank ana yau tare da Nasiru Salisu Zango da misalin karfe 9 da rabi

 

 

Continue Reading

Labaran Kano

Ya wajaba al’ummar mu su bunkasa tattalin arzikin Kano- Oba Ewuarin

Published

on

Sarkin masauratar al’ummar Benin Oba Ewuarin Ogidigan na biyu ya ja hankalin al’ummar masarautar Edo mazauna Kano da su himmatu wajen kawo  cigaban ta fuskar tattalin arzikin jihar Kano.

Ewuarin Ogidigan ya bayyana hakan ne yayin wani taron al’mmar jihar Edo mazauna jihar Kano a yau.

Ya ce shakka alaka tsakanin jihar Kano da Edo dadaddiya ce,  da ta haifar da alfanu a tsakanin jihohin biyu.

A yayin taron ‘Yan Dakan Kano, Alhaji Abbas Muhammad Dalhatu ne ya wakilci Sarkin Kano Muhammadu Sanusi na biyu.

Taron al’ummar jihar Edo karkashin masarautar Benin ya samu halartar al’ummar masarautar Benin mazauna jihar Kano,  da sauran ‘yan majalisar Sarkin na Benin.

Wakilin mu Shamsu Dau Abdullahi ya rawaito cewa, Masarautar Benin ta samu asali ne tun shekaru 900 da suka shude,  da yanzu take karkashin jihar Edo.

Galibi dai a wadancan shekaru masarautar tayi sarakuna da suka yi shura a bangarori daban-daban na rayuwar al’umma.

Yankin da sarakunan suke yin shugabanci a baya,  ya kasance mai dinbim tattalin arzikin karkashin kasa da albarkatun noma.

Continue Reading

Now Streaming

Trending

Copyright © 2019. Freedom Radio Group. All Rights Reserved.

error: Content is protected !!