Ilimin ‘ya’ya mata zai gyara rayuwar al’umma –Yariman Kano

Yariman Kano Alhaji Lamido Abubakar Bayero yace matukar mata suka yi amfani da Ilimin Addinin musuluncin da suke nema musamman wajen koyarda ‘ya’yansu shakka babu alamune dake nuni da cewa za’a samu ingantacciyar Al’umma, kasancewar iyaye mata sune ke tare da ‘ya’ya dare da rana.

Alhaji Lamido Abubakar Bayero ya bayyana hakan ne lokacin taron saukar karatun Alkur’ani mai girma na makarantar Madrasatul Anwar Al-Islamiyya Litahfizul Qur’an dake unguwar Sabuwar Gandu a karamar Hukumar Kumbotso.

Yariman Kano Lamido Bayero ya kara da cewa matukar mata suka samu ingantaccen Ilimin Addinin Musulunci a cikin al’ummar Musulmi shakka babu Ilimin zai yadu a cikin mutane sakamakon koda yaushe iyaye mata sune suke tare da yara dare da rana.