Connect with us

Labaran Kano

Hukumar korafe korafe na binciken Alkalan Kotun Majistret

Published

on

Hukumar karbar korafe-korafe da hana cin hanci da rashawa ta jihar Kano, ta ce ta fara bincike kan zargin korafin cin hanci na wasu Alkalan Kotun Majistire uku anan Kano.

Hukumar a baya-bayan nan ta ce ta samu irin wannan korafe-korafe da dama kan Alkalan Majistire daga bangarorin al’umma.

Daraktan ayyuka na musamman na hukumar karbar korafe-korafe da hana cin hanci da rashawa ta jihar Kano Malam Usman Bello ya shaidawa jaridar solacebase  game da almundahar da ake zargin alkalan sun tafka.

Rahotanni na nuni da cewa, akwai Alkalin Kotun Majistire ta 34 dake Rijiyar Zaki da aka cire shi aka sauya masa wurin aiki zuwa dakin ajiye karatu na babbar kotun jiha, kasancewar yawaitar korafe-korafe da ake samu akan sa.

Mun warware korafe-korafe masu dinbim yawa- Muhyi Magaji

Hukumomi sun rufe asibitin Maita a Kano

Mun kama Sarkin mayu na bogi-Muhiyi Magaji

Malam Usman Bello ya bayyana cewar an sanar da babban jojin Jihar Kano Justice Nura Sagir Umar game da binciken.

Wata majiya daga gidan gyaran hali dake cikin birnin Kano ta shaida cewa, galibin wadanda ke jiran shari’a a gidan sun shigo ne ta hannun Alkalin Majistiren Aminu Usman da aka fi sani da ‘Dino’.

Al’umma da dama ne dai suka yi ta nuna farin cikin su a Juma’ar da ta gabata, biyo bayan sauyawa lauyan majistiren wurin aiki da hukumomin suka yi.

A yayin da ake yi masa tambaya akan sauran Majistirorin biyu da ake ci gaba da bincika, daraktan hukumar hana karbar korafe-korafe da cin hanci da rashawa ta jihar Kano Malam Usman Bello ya ce shakka babu bayyana sunayen na su zai kawo tasgaro a sha’anin binciken na su.

Labaran Kano

Sarki Sanusi II ya taya Ganduje murnar samun nasara a Kotu

Published

on

Mai martaba Sarkin Kano Muhammadu Sunusi na II, ya taya gwamnan jihar Kano murnar samun nasara a kotun koli na jaddada Kujerar sa a matsayin zababben gwamnan jihar Kano.

Muhammadu Sunusi na II, ya yi wannan kiran ne a yau a dakin taro na Afirka House, a lokacin da ya raka Oba na Benin Omo N’oba N’Edo UkuAkpolokpolo Ewuare na II, ziyara ta musamman wajen gwamnan jihar Kano.

Kazalika, Sakin yayi kira da a samu hadin kai tsakanin masu rike da madafun iko da masu sarautun gargajiya, don samar da jagoranci na gari tare da yiwa al’umma aiyyukan raya kasa.

Har ila yau, Muhammadu Sunusi na II, ya kara da cewa, lokaci ya yi da za’a manta da banbance da rashin jituwa tare da sa cigaban jiha a gaba.

Gwamna Ganduje ya nada Sarkin Kano Muhammad Sunusi shugaban majalisar Sarakunan Jihar Kano

Sarkin Kano ya bude masallacin juma’a na sabuwar jami’ar Bayero

Hukumomin kiwon lafiya na yin dukkanin mai yuwa kan cutar lassa- Sarkin Kano

A nasa jawabin Oba na Benin, Omo N’Oba N’Edo Uku Akpolokpolo Ewuare na II, ya ce Sarakunan gargajiya a fadin kasa na da muhimmiyar rawar da suke takawa wajen hadin kan al’ummar kasar nan mai Kabilu da al’adu daban -daban, wanda hakanne ya sanya ya taso musamman don jaddada wannan kudiri tsakanin al’ummar sa da ta jihar Kano.

Shima a nasa jawabin gwamna Dr. Abdullahi Umar Ganduje, ya ce gwamnatin sa a shirye take da hada kai tare da karbar shawarwari, daga dukkan masu rike da masarautun gargajiya a fadin kasar nan, kasancewar su wata Rumfa mai muhimmanci wajen, hadin kan al’umma, da zaman lafiya tare da bunkasa kasa gaba daya.

Wakilinmu na fadar gwamnatin jiha Aminu Halilu Tudunwada, ya ruwaito mana cewa Sarakunan guda biyu na Kano da na Benin, sun samu rakiyar tawagar wasu daga cikin hakimansu a ziyarar da suka kai fadar gwamnatin jiha.

Continue Reading

Labaran Kano

Za’a sake tona wata gawa da aka binne-Ustaz Sarki Yola

Published

on

Babbar kotun shari’ar musulunci karkashin Mai sharia Ustaz Sarki Yola a Kano tayi umarni da a tono wata gawa da aka binne ba daidai ba.

Mai shari’ar Ustza Sarki Yola ya bada umarnin ne bayan zaman kotun a yau Litinin

Ku saurari cikakken labarin cikin shirin Inda rank ana yau tare da Nasiru Salisu Zango da misalin karfe 9 da rabi

 

 

Continue Reading

Labaran Kano

Ya wajaba al’ummar mu su bunkasa tattalin arzikin Kano- Oba Ewuarin

Published

on

Sarkin masauratar al’ummar Benin Oba Ewuarin Ogidigan na biyu ya ja hankalin al’ummar masarautar Edo mazauna Kano da su himmatu wajen kawo  cigaban ta fuskar tattalin arzikin jihar Kano.

Ewuarin Ogidigan ya bayyana hakan ne yayin wani taron al’mmar jihar Edo mazauna jihar Kano a yau.

Ya ce shakka alaka tsakanin jihar Kano da Edo dadaddiya ce,  da ta haifar da alfanu a tsakanin jihohin biyu.

A yayin taron ‘Yan Dakan Kano, Alhaji Abbas Muhammad Dalhatu ne ya wakilci Sarkin Kano Muhammadu Sanusi na biyu.

Taron al’ummar jihar Edo karkashin masarautar Benin ya samu halartar al’ummar masarautar Benin mazauna jihar Kano,  da sauran ‘yan majalisar Sarkin na Benin.

Wakilin mu Shamsu Dau Abdullahi ya rawaito cewa, Masarautar Benin ta samu asali ne tun shekaru 900 da suka shude,  da yanzu take karkashin jihar Edo.

Galibi dai a wadancan shekaru masarautar tayi sarakuna da suka yi shura a bangarori daban-daban na rayuwar al’umma.

Yankin da sarakunan suke yin shugabanci a baya,  ya kasance mai dinbim tattalin arzikin karkashin kasa da albarkatun noma.

Continue Reading

Now Streaming

Trending

Copyright © 2019. Freedom Radio Group. All Rights Reserved.

error: Content is protected !!