An yi gobara a gidan Obasanjo

Gobara ta tashi a gidan tsohon shugaban kasa Olusegun Obasanjo da ke garin Abeokuta babban birnin jihar Ogun.

Rahotanni sun ce da misalin karfe goma na daren jiya ne gobarar ta tashi a gidan tsohon shugaban kasar da ke Unguwar Ita-Eko a birnin Abeokuta.

Shaidun gani da ido sun ce, ana zargin gobarar ta tashi ne sakamakon tartsatsin wutar lantarki.

Daraktan hukumar kashe gobara ta jihar Ogun, Fatai Adefala, ya tabbatar da faruwar lamarin, inda ya ce har yanzu suna binciken musabbabin tashin gobarar.