Akwai bukakatar samar da tsarin bada lafiya mai nagarta ga marasa lafiya-hukumar asibitoci

Hukumar gudanarwar Asibitocin jihar Kano ta bukaci Asibitocin gwamnatin jiha da su samar da tsarin bada lafiya mai nagarta ga marasa lafiyan fadin jihar Kano.

Shugaban hukumar Dakta Aminu Ibrahim Tsanyawa ne ya bayyana hakan lokacin da yake jawabi, yayin taron watannin ukun karshen shekara, domin tattaunawa kan batutuwan da suka faru a bangaren lafiya a baya.

Shugaban hukumar, wanda ya samu wakilcin daraktan sashen lura da aikin likitanci na hukumar Dakta Muhammad Dahiru Shehu, ya ce ya lura da cewa akwai bukatar inganta tsarin kula da marasa lafiya a Asibitocin jihar Kano baki daya.