Rundunar sojan Nijeriya ta ce ta cafke wani mai hada bama-bamai kungiyar Boko Haram

Rundunar sojin Nigeria ta ce dakarunta sun cafke wani mutum daya shahara wajen hada bama-bamai ga mayakan kungiyar Boko Haram.

Rundunar ta ce an cafke Adamu Hassan ne da ake yiwa lakabi da suna ‘baale’ a garin Kaltungo na jihar Gombe.

Mai magana da yawun rundunar Operation Lafiya Dole Kanar Onyema Nwachukwu, ya ce an cafke mutumin ne a wani samame da jami’an hukumar tsaro ta farin kaya suka kai a jiya.

Rahotannin sun  ambato Kanar Nwachukwu na cewa dakarun sojin kasar nan sun kashe mayakan Boko Haram uku a bata kashi da suka yi a tsaunukan Bokko Hilde da ke kan hanyar Ngoshe zuwa Pulka a jihar Borno.