A gaggauce: Buhari ya kori Sabo Nanono da Saleh Mamman

Shugaban ƙasa Muhammadu Buhari ya kori ministocinsa biyu daga majalisar zartarwa ta ƙasa.

Ministocin su ne ministan Noma Alhaji Sabo Nanono da kuma na lantarki Engr. Saleh Mamman.

Mai magana da yawun shugaban ƙasar Malam Garba Shehu ne ya tabbatarwa da Freedom Radio hakan.

Sai dai ya ce, za a fitar da ƙarin bayani a kai nan bada jimawa ba.