AFCON 2021: Ina jin takaicin kin gayyata ta da aka yi – Dan wasan Najeriya

Dan wasan Najeriya dake taka leda a kungiyar kwallon kafa ta KRC Genk Cyriel Dessers ya nuna takaicin sa kan rashin saka shi cikin tawagar ‘yan wasan da zasu fafata da Sierra Leone a mako mai kamawa a wasan neman tikitin gasar cin kofin Afrika ta 2021.

Dessers mai shekara 25 ya kuma ce zai ci gaba da kokarin ganin Gernot Rohr ya dawo masa da gurbin sa a tawagar.

Ya kuma sha alwashin kara kwazo da dagewa a kungiyar sa ta Genk domin ya kara samun amincewa daga Gernot Rohr.

Rohr dai ya gayyaci Paul Onuachu da suke a kungiya daya da Cyriel Dessers.