Ahmad Musa ya taimakawa kungiyar sa ta Fatih Karagumruk wajen doke Istanbul Basaksehir

Kyaftin din kungiyar kwallon kafa ta kasa Super Eagles Ahmed Musa ya tallafa an zura kwallo a wasan da kungiyarsa ta Fatih Karagumruk ta samu nasara akan Istanbul Basaksehir da ci 3-1 a gasar Super Lig ta kasar Turkiyya.

An buga wasan dai a ranar Juma’a 1 ga watan Oktobar shekarar da muke ciki ta 2021.

Ahmad Musa, ya taimaka wajen bawa dan wasa Andrea Bertolacci kwallon da ya sa a raga ta biyu a wasan.

Mai shekaru 28 Ahmad Musa, ya zura kwallo guda a sabuwar kungiyar da ya koma a kakar wasannin da aka fara ta shekarar 2021/2022.
Kungiyar kwallon kafa ta Karagumruk dai na mataki na biyar da maki 13 a wasanni takwasa da ta buga a gasar.