Ahmed Musa zai koma Turkiyya da taka leda

Kungiyar kwallon kafa ta Fatih Karagumruk dake a kasar Turkiyya ta sanar da kammala yarjejeniyar daukar keftin din Super Eagles Ahmed Musa.

Tsohon dan wasan gaban kungiyar Leicester City ya amince da komawa Fatih Karagumruk.

Haka kuma, Ahmed Musa zai isa kasar ta Turkiyya a cikin kwanaki kalilan masu zuwa don fara kwantiragin na shi.

Rahotanni na cewa, kawo yanzu dai kungiyar da ke a birnin Istanbul ba ta taba lashe wani babban kofi ba.