Aikin Gadar sama na cikin abin da ya haifar da ambaliya a Kwari – Gwamnatin Kano

Gwamnatin jihar Kano ta ce, aikin gadar sama a titin Kasuwar Kwari na cikin abin da ya janyo ambaliyar ruwa a kasuwar.

Kwamishinan yaɗa labarai na Kano Malam Muhammad Garba ta cikin shirin Barka da Hantsi na Freedom Radio.

Muhammad Garba ya ce, an gano cewa aikin gadar ya kawo babban ƙalubale a kan lamarin.

Amma tuni kamfanin da ke kwangilar gina gadar suka soma ɗaukar mataki domin magance afkuwar hakan a gaba.

Da yake ƙarin bayani kan kwamitin da aka kafa na bibiya da rushe gine-ginen da ke magudanar ruwa, ya ce, za su yi nazari a dukkan sassan Kano bakiɗaya.