Aisha Buhari Cup: Mun shirya domin fara gasar-Kennedy akande

Kwamitin kula da gasar cin kofin mai dakin shugaban kasa Muhammad Buhari, Aisha Buhari ya ce ya shirya tsaf domin fara gasar, a gobe Laraba 15 ga watan Satumbar shekarar 2021.

Shugaban kwamitin Kennedy akande, ne ya bayyana haka yayin da yake ganawa da manema labarai a yau.

Aisha Buhari Cup: Super Falcons za ta kara da Morocco a wasan farko

Kwamitin ya ce filaye biyar ne za’ayi amfani dasu a gasar wanda suke karkashin kulawar jami’an tsaro da kuma sauran Jami’an dake kula da gasar.

Kasashen Afrikan da za su fafata a gasar sun hadar da kasar Afrika ta Kudu da Kamaru da Ghana da Mali da Morocco da kuma nan Nigeria.