Akwai yiwuwar Ganduje zai yi takarar Sanatan Kano ta Arewa

Alamu na nuni da cewa Gwamnan Kano Dr. Abdullahi Umar Ganduje zai nemi takarar Sanatan Kano ta Arewa.

A wani saƙo da mai taimakawa Gwamnan kan kafafen sada zumunta Abubakar Aminu Ibrahim ya tabbatar da hakan.

Ya ce “Al’ummar ƙaramar hukumar Dawakin Tofa sun bai wa ɗansu Gwamna Ganduje gudunmawar kuɗi tare da magiya gare shi don ya fito ya wakilci Kano ta Arewa a majalisar dattawa”.

Jam’iyyar APC ce ke riƙe da kujerar sanatan Kano ta Arewa wadda Barau Jibrin ke kai, to amma baya tare da ɓangaren Gwamna Ganduje a jam’iyyar ta APC.