Al Ahly SC ta hana Percy Tau zuwa wasan Afirka ta Kudu

Kungiyar Kwallon kafa ta Al Ahly SC, ta hana dan wasan gaba na kasar Afirka ta Kudu , Percy Tau zuwa wasan da kasar sa zata fafata na neman shiga gasar kofin Duniya.

A wata sanarwa da tawagar ta fitar a shafinta na Internet , tawagar ta ce ba zata bar dan wasan ba kasancewar yana jinyar rauni.

Al Ahly SC , ta tabbatar dacewar dan wasan zai cigaba da murmurewa tare da karbar Kulawa daga wajen Likitoci , don haka ba zai samu damar wakiltar kasar ba a wasanni da zata buga guda Biyu, a watan Oktoba.