Connect with us

Labarai

Al’umma su tallafawa ‘yaran da iyayen su suka rasu-HOLPI

Published

on

Kungiyar tallafawa Marayu da marasa karfi wato Hope for Orphans and Less Privileged (HOLPI) ta jaddada kudirin ta na ci gaba da tallafawa talakawa masu bukatar tallafi a duk inda suke a nan Kano da ma kasa baki daya.

Adon hake ne kungiyar a ranar Larabar data gaba ta kai ziyara zuwa gidan marayu dake unguwar Nasarawa wato Children’s Home da wanda ke tudin maliki, Torrey Home a nan jihar Kano.

Kungiyar ta (HOLPI) ta ziyarci gidajen yaran ne domin duba irin halin da suke ciki tare da mika musu tallafin kayan amfanin yau da kullun.

Da take jawabi yayin ziyarar da kungiyar ta kai gidajen yaran shugabar kungiyar ta (HOLPI), Hajiya Bilkisu Sani Yola, cewa ta yi kungiyar ta (HOLPI) ta ziyarci gidajen ne don ganawa da yaran tare da sanya musu farin ciki a zuciyoyin su ta yadda za suji cewa dai-dai suka da ‘yayan dake zaune a gaban iyayen su.

Haka kuma yayin ziyarar kungiyar ta (HOLPI) ta rabawa ‘yaran kayan amfanin yau da kullim dana ciye-ciye don sanya farin ciki a zukatan su.

Hajiya Bilkisu Sani Yola ta kuma yaba bisa yadda shugabannnin gidajen yaran biyu suke kula da yaran yadda ya kamata wajen tsaftar kayan su, da wajen zamansu da abincin da suke ci.

Shugabar ta kuma yi kira ga al’ummar dake fadin jihar Kano dama kasar nan da su rinka taimakawa yaran dake zaune a gidajen don sanya walwala a zukatan su musamman donjin cewa suma dai-dai suke da kowanne yaro dake gaban iyayan sa.

Da take jawabi yayin ziyarar da kungiyar ta (HOLPI) ta kai, shugabar gidan marayu dake Nasarawa wato Nasarawa Children Home Hajiya Aishatu Sani Kurawa, godewa kungiyar ta yi bisa ziyarar da suka kai gidan don tallafawa yaran dake ciki musamman a wannan wata da muke ciki na A zumin Ramadan.

Itama a na ta jawabin shugabar gidan yara dake Tudin Maliki wato Torry Homme Hajiya Laure itama godewa kungiyar ta (HOLPI) ta yi bisa ziyarar da suka kai gidan don bayar da tallafi ga yaran dake zaune a ciki.

Covid-19: Mawadata su tallafawa wadan da basu dashi- HOLPI

Gabaki dayan shugabannin gidajen bisu sunyi kira ga sauran al’umma da su rinka tallafawa yaran dake cikin irin wadancan gidaje, a cewar su gwamnati kadai bazata iya daukan dawainiyar ub a, adon haka dole ne sai al’umma sun tallafa.

Ziyarar kungiyar ta (HOLPI) zuwa gidajen yaran dake Unguwar Nasarawa wato Children Home da wacce ke Tudin Maliki wato Tudin Maliki Torrey Home na kunshe ne ta cikin sanarwar da jami’in hurda da jama’a na kungiyar Ibrahim Abdullahi ya raba ga manema labarai a ranar Juma’ar data gaba 15 ga watan Mayu shekarar 2020

 

Click to comment

You must be logged in to post a comment Login

Coronavirus

Covid-19: El-rufa’i ya kara tsawaita dokar kulle a Kaduna

Published

on

Gwamnan jihar Kaduna Malam Nasir El-rufai ya kara tsawaita dokar kulle da zaman gida tsawon makonni biyu a jihar.

Mataimakiyar gwamnan jihar Dakta Hadiza Sabuwa Balarabe ce ta bayyana hakan, cikin wata sanarwa da fitar a yammacin Talatar nan wanda ta ce gwamnati ta tsawaita dokar kulle da zaman gida a jihar ne domin dakile cutar Corona.

Sanarwar ta bukaci al’ummar jihar ta Kaduna da su cigaba da daukar matakan kariya da masana kiwon lafiya suka gindaya na sanya takunkumin rufe baki da hanci, da yawaita wanke hannu da kuma bada tazara a tsakanin juna, sannan al’umma su kaucewa taron jama’a masu yawa.

Haka kuma gwamnatin jihar ta ce a yanzu al’umma za su rika sararawa a ranaku guda uku a jere cikin mako ranakun sune, ranar Talata Laraba da kuma ranar Alhamis.

Kananan wuraren kasuwanci da aka amince su bude za su rika fitowa a wadannnan ranaku daga karfe 10 na safe zuwa 4 na yamma.
Su kuwa jama’a masu zirga-zirga za su rika fita ne daga karfe 6 na safe zuwa 6 na yamma a ranakun.

Har ila yau gwamnatin Kaduna ta gargadi ‘yan kasuwannin da ba a amince musu su bude ba, kan suyi biyayya da dokokin da aka sanya.

Har ila yau, sanarwar ta kara da cewa kotun tafi da gidanka zata cigaba da ayyukanta domin hukunta masu karya dokoki da kuma masu yawon dare a yayin dokar kullen.

Haka kuma gwamnatin Kaduna tace makarantu da wuraren ibadu dukkansu za su cigaba da zama a kulle.

Sanarwar tace yanzu haka jihar Kaduna ta yiwa mutane dubu daya da dari tara (1900) gwajin cutar Corona inda ta samu mutane 189 dake dauke da cutar.

A karshe gwamnatin Kaduna ta ce cikin wannan karin makonni biyu zata mayar da hankali wajen kara habaka ayyukanta na yaki da cutar Coronavirus.

*BS*

Continue Reading

Coronavirus

‘Yan kasuwa sun nemi Ganduje ya bude Kasuwanni sau biyu a mako

Published

on

‘Yan Kasuwa sun  bukaci gwamnan jihar Kano, Dakta Abdullahi Umar Ganduje, da ya duba dokar kulle na zaman gida tare da bada dama ga ‘yan Kasuwannin Sabongari da Kwari da na  Singer domin fitowa Kasuwancin su a kebabbun ranakun  da aka ware a mako don gudanar da nasu Kasuwancin.

Alhaji Imamu Tafida, Tafidan Dakayyawa kuma daya daga cikin Dattijan Kasuwar Muhammad Abubakar Rimi, wato Sabongari shi ne yayi wannan kira duba da mawuyacin halin da ‘yan Kasuwan suke ciki kamar yadda jagororin  Kasuwar suka tabbatar.

Alhaji Imamu Tafida, ya ce ‘yan kasuwa da dama, sun tafka asara ta miliyoyin nairori sakamakon rufe kasuwannin, kasancewar kayan da suka siyo basu shigo ba dalilin hana shige da fice, hakazalika wanda ake dasu a kasuwar ba a siyar dasu ba.

Tafidan Dakayyawan, ya kuma bada tabbaci ga gwamnati na cewar zasu yi duk mai yiwuwa wajen daukar matakan kariya daga cutar ta Corona daga bangaren su da masu mu’amala dasu da zarar an basu damar gudanar da Kasuwancin su.

Wakilin mu, Aminu Halilu Tudunwada, ya ruwaito mana cewa, Alhaji Imamu Tafida, ya bukaci al’umma dasu bi umarnin hukumomi da ma’aikatan lafiya, tare da rubanya addu’a domin ganin an kawar da wannan annoba da ta kawo tsaiko a al’amuran yau da kullum na jama’a.

Continue Reading

Coronavirus

Nijar: An fara feshin magani kan Corona a makarantu

Published

on

Hukumomin a jahar Damagaram sun kaddamar da fara feshin maganin rigakafin Covid-19 a cikin makarantun boko

A sadiyar Litinin dinnan ne shugaban kwamitin yaki da wannan cuta kuma magatakardar fadar gwamnan jihar Damagaram ya jagoranci bikin kaddamar da feshin a cikin makarantar Mela Douaram da ke tsakiyar birnin na Damagaram.

Magatakardar ya bayyana cewa sun fara wannan aiki ne a wani mataki na kare daliban daga kamuwa da wannan cuta ta Covid-19.

Wakilin mu Yakubu Umar Mai Gizawa ya rawaito mana cewa tun a kwanakin baya ne dai gwamnati ta sanar da ranar daya ga watan Yuni mai zuwa a matsayin ranar ranar da za’a koma bakin ajijuwan makarantun bayan shafe tsawan lokaci suna rufe sakamakon yaki da ake da cutar Covid-19.

Labarai masu alaka:

Amsoshin tambayoyi 20 kan cutar Corona – Dr. Ibrahim Musa

Covid-19: Gwamnati ta bada damar cigaba da sufuri a Nijar

Continue Reading

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 324,535 other subscribers.

Trending

Copyright © 2019. Freedom Radio Group. All Rights Reserved.

error: Content is protected !!