Amai da gudawa- Mutane 60 sun rasa ran su a Katsina

Gwamanatin jihar Katsina ta tabbatar da mutuwar mutum 60 sakamakon bullar cutar amai da gudawa.

Kwamishinan lafiya na jihar Yakubu Danja ne ya tabbatar da haka yayin da yake tattaunawa da shugabannin kungiyar likitoci ta kasa NMA a Katsina.

Danja ya ce, “Sama da mutum dubu 1 da dari 4 ne suka kamu da cutar tun bayan da ta bulla a jihar zuwa yanzu”.

Kwamishinan lafiyar ya yi kira ga al’umma su ci gaba da tsaftace muhallansu da abin ci da shan su.

A baya-bayan nan dai cutar ai da gudawa ta bulla a jihohin Zamfara da Kano da Jigawa da Sokoto, inda kuma ake samun asarar rayuka da Kuma jikkata wasu.