Amurka ta yi asarar Dala bilyan 29 a yakin da take yi da Iran

Amurka ta yi asarar Dala bilyan 29 a yakin da take yi da Iran, in ji ma’aikatar Pentagon

Ma’aikatar Tsaron Amurka ta Pentagon ta bayyana cewa kudin da aka kashe a yakin da ake yi da Iran ya kai kusan dala biliyan 29, yayin da Shugaban Amurka Donald Trump ke fuskantar karin suka kan yakin da tasirinsa ga shirin ko-ta-kwana na sojojin Amurka.

Bayanai sun ce an bayyana wannan adadi ne yayin zaman sauraron kasafin kudi a majalisar dokokin Amurka da ke Capitol Hill, inda aka nuna cewa ya fi kiyasin da Pentagon ta bayar makonni biyu da suka gabata da kusan dala biliyan 4.