An ɗaga likkafar ƴan sanda sama da 300 a Kaduna

Rundunar ƴan sandan jihar Kaduna ta yi ƙarin girma ga jami’anta ɗari uku da casa’in da biyar.

Da yake jawabi yayin ƙarin girman Kwamishinan ƴan sandan jihar Umar Musa Mutu ya ce, jajircewar jami’an ce ta sanya aka ɗaga likkafarsu zuwa gaba.

Sannan ya hore su da su ƙara zage dantse a yayin da suke gudanar da aikinsu na tabbatar da doka da oda a tsakanin al’umma.

Ku kalli wasu hotuna yayi ƙarawa ƴan sandan matsayi.