An bayar da belin dakataccen kwamishinan zaben Adamawa

Rundunar ‘yan sanda ta tabbatar da bayar da belin dakataccen kwamishinan zaben jihar Adamawa Hudu Yunusa Ari.

A ranar Talatar data gabata ne dai rundunar ‘yan sandan ta tabbatar da kama dakataccen kwamishinan.

Ana dai zargin Hudu Ari da aikata rashin gaskiya a zaben cike gurbi na gwamnan jihar ta Adamawa.

Hudu Ari dai ya ayyana ‘yar takarar jam’iyyar APC Aisha Dahiru Binani a matsayin wadda ta lashe zaben kafin kamma tattara kuri’un da aka kada.