An ceto yara da mata 778 daga ‘yan ta’adda a jihar Nassarawa – Rundunar soja

Rundunar sojin kasar nan ta mika mata da kananan yara 778 da aka kamo yayin harin da aka kaiwa wata kungiyar ‘yan ta’adda a jihar Nasarawa.

Mataimakin Gwamnan jihar ta Nasarawa Dr. Emmanuel Akabe ne ya bayyana hakan, inda ya ce, matakin zai basu damar sake haduwa da iyalan su.

Rahotanni na nuni da cewa jihar Niger na da mutum 86 da kananan yara 232, sai jihar Kano dake da mata 20 da kuma kananan yara 64.

Har ila yau jihar Nasarawa na da mata 8 da kananan yara 11, da rundunar sojin kasar nan ta sa me su yayin harin da aka kaiwa kungiyar ta’adda ta Darul Salam a dajin Uttu dake karamar hukumar Toto ta jihar Nasarawa cikin makon da ya gabata.