An haramta gidajen giya a Katsina

Karamar hukumar Malumfashi ta jihar Katsina ta sanyar dokar rufe dukkanin gidajen barasa dake karamar hukumar.

Cikin wata sanarwa mai dauke da sa hannun jami’in walwala da jin dadin al’umma na karamar hukumar Abdullahi Umar Danja a madadin shugaban karamar hukumar ta bayyana cewa gidajen barasa sun saba da sashe na 150 na kundin shari’ar Musulunci ta jihar Katsina.

Sanarwar ta kara da cewa gidajen da dokar zata fara aiki ne da gidajen Barasa na Maria da Coach dake Mararrabar Kankara a karamar hukumar.