An kori ‘yan wasan kasar Ingila biyu daga sansanin su

Mai horas da kungiyar kwallon kafa ta kasar Ingila, Gareth Southgate, ya ce, an kori ‘yan wasa Phil Foden da Mason Greenwood daga masaukin ‘yan wasa, bisa zargin karya dokar killace kai a kasar Iceland.

Hukumar kwallon kafar ta kasar Ingla ta ce za ta ci gaba da gudanar da bincike kan batun.

Ingila ta yi nasara a wasan da ta buga a ranar Asabar da ci 1 da nema a filin wasa na Reykjavik.

Phil Foden, mai shekaru 20, dan wasan tsakiya ne a Manchester City, yayin da Mason Greenwood, mai shekaru 18, dan wasan gaba ne a Manchester United.

‘Yan wasa biyu na bugawa kasar ta Ingila yanzu haka sun koma gida domin ci gaba da killace kan su.