An rantsar da Abba Kabir Yusuf a matsayin gwamnan Kano

Alƙalin alƙalan Kano mai shari’a Dije Abdu Aboki, ta jagoranci rantsar da Engr. Abba kabir Yusuf a matsayin sabon gwamnan Jihar Kano.

Sabon gwamnan ya karɓi rantsuwar ne yau Litinin filin wasa na Sani Abacha da ke Kofar Mata.

An fara ne  rantsar da mataimakinsa Kwamared Aminu Abdussalam Gwarzo.

Taron ya samu halartar sarakunan Kano da jagoran Jam’iyyar NNPP Engr. Dr. Rabi’u Musa Kwankwaso.

Haka kuma ya samu halartar dubunnan ɗaruruwan magoya bayan jam’iyyar NNPP Kwankwasiyya da suka yi shigar fararen kaya da jar Hula da jan kallabi da Hijabi.

Haka kuma, taron ya samu halartar manyan baƙi daga sassa da dama sauran manyan baki ne suka halarci bikin.