An saka ranar da za a buga wasan El Classico

Hukumar kwallon kafa ta kasar Spain ta saka ranar da za a fafata wasan hamayya na El Classioc tsakanin Barcelona da Real Madrid zagaye na biyu.

Wasan zai gudana ne a ranar 11 ga watan Mayu, a wasan mako na 35 a filin wasa na Estadi Olimpic Lluis Companys.

Barcelona ce ke jagorantar teburin gasar da tazarar maki hudu tsakanin ta da Real Madrid dake mataki na biyu.