Freedom Radio Nigeria

Freedom Radio Nigeria

Coronavirus

An samu ɓullar sabuwar cutar corona samfurin Omicron

Published

on

Cibiyar daƙile yaduwar cuttuka ta ƙasa NCDC ta tabbatar da ɓullar cutar corona samfurin Omicron a Najeriya.

NCDC ta ce, a yanzu mutane uku sun kamu da cutar bayan da aka yi musu gwaji.

Shugaban cibiyar Dr Ifedayo Adetifa ne ya sanar da hakan, yana mai cewa za a sanya ido kan matafiyan da ke shigowa kasar nan don daƙile yaɗuwarta.

A cikin wata sanarwar NCDC ta fitar a shafinta na sada zumunta ta ce wadanda suka kamu da sabon nau’in cutar corona na Omicron suna cikin matafiyan da suka dawo daga ƙasar Afrika ta Kudu a makon da muke ciki.

Sanarwar ta kuma ce duk da cewa mutanen na dauke ƙwayar da cutar amma ba su fara nuna almaun kamuwa da cutar ba, amma an wuce da su asibiti inda suke samun kulawar da ta kamata.

NCDC ta bayyana damuwa kan yadda cutar corona samfurin Omicron ke ci gaba da yaɗuwa a ƙasashen duniya.

A farkon makon da muke ciki ne aka bayyana ɓullar sabon nau’in cutar ta Omicron a kasar Afrika ta Kudu, abin da ya wasu kasashe irin su Birtaniya da Amurka ɗaukar matakin hana tafiye-tafiye zuwa kasashen da ke kudancin Afrika.

Click to comment

You must be logged in to post a comment Login

Leave a ReplyCancel reply

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv
error: Content is protected !!