An samu karin wutar lantarki daga Megawat 3,951 zuwa 4,300- Gwamnatin Tarayya

Gwamnatin Tarayya ta ce an samu karin wutar lantarki daga  Megawat  3,951 zuwa Magawat W 4,300 tsakanin 28 ga Maris da 10 ga Afrilun shekarar da muke ciki.

Hakan na cikin wata  sanarwa da  mataimaki na musamman ga  ministan wutar lantarki Mista Bolaji Tunji ya fitar ga manema labarai.

Tunji ya ce, karuwar samar da wutar lantarki a wannan lokacin ya yi daidai da tabbacin da Ministan Wutar Lantarki, Mista Adebayo Adelabu, ya bayar, inda ya yi alkawarin cewa samar da wutar lantarki zai inganta cikin makonni biyu.