Ankama mutane 80 kan zargin taimakawa yan bindiga – Zamfara

Gwamnatin jihar Zamfara ta ce, an kama mutane 80 da ake zargi da taimakawa ‘yan bindiga a jihar.

Wadanda ake zargi sun hadar da mata dake taimakawa ‘yan bindigar da bayanan sirri da kayayyakin abinci, da magunguna, sai kayan sojoji da na ‘yan sanda.

Ana zargin mutanen da hannu wajen kai hare-haren ‘yan bindiga da garkuwa da mutane domin samun kudin fansa, da kuma mallakar bindigogi ba bisa ka’ida ba.

Da yake ganawa da manema labarai a jiya talata, shugaban kwamitin hukunta masu garkuwa da mutane Abdullahi Shinkafi, ya ce hukumomin tsaro na gudanar da bincike akan su.