Arsenal: Aubameyang ya tsawaita kwantiragin sa da kungiyar

Dan wasan kungiyar kwallon kafa ta Arsenal, Pierre-Emerick Aubameyang, ya rattaba hannu a yarjejeniyar ci gaba da zama kungiyar har tsawon shekaru uku masu zuwa.

Kwantiragin dan wasan mai shekaru 31 da kungiyar zai kare a karshen wannan kakar wasannin da muke ciki.

Tun dai a lokacin da Aubameyang da dawo kungiyar ta Arsenal daga Borussia Dortmund a watan Janairun shekarar 2018, ya yi nasarar jefa kwallaye 55 a wasanni 86.

Aubameyang dai ya kawo karshen jita-jitar barin sa kungiyar, da ya amince da sabon kwantiragin na karin shekaru uku da kungiyar ta Arsenal.