Ba shiga ba fita a Gombe daga gobe Alhamis

Gwamnatin jihar Gombe ta sanya dokar zaman gida da takaita cakuduwar jama’a daga karfe 6 na yammacin gobe zuwa karfe 7 na safe domin dakile yaduwar cutar Coronavirus.

Gwamnan jihar Muhammadu Inuwa ne ya bayyana hakan ta cikin jawabin da ya gabatar a yammacin yau, inda ya ce gwamnati ta rufe dukkanin kasuwannin jihar da sauran tarukan jama’a na bukukuwa ko al’ada ko na ibada.

Wakilin mu Usman Abubakar Usmaniyya ya rawaito mana cewa gwamnan jihar ta Gombe ya dakatar da dukkan wata zirga-zirga daga wannan karamar hukumar zuwa wata karamar hukuma ba.

Sannan gwamnan ya ce dokar ba ta shafi masu ayyuka na musamman ba.

A kididdigar baya-bayan nan da cibiyar dakile cutuka masu yaduwa ta kasa NCDC ta fitar ta ce izuwa yanzu mutane biyar suka kamu da cutar a jihar Gombe