Badaru ya bada umarnin bude makarantun boko 40

Gwamnan jihar Jigawa Mohammed Badaru Abubakar ya ce za’a bude makarantu 40 a jihar ya yin da bada umarnin dukkanin ma’aikatan jihar su koma bakin aiki daga rana 4 ga watan da muke ciki.

Gwamnan ya bayyana hakan ne a ya yin da yake ganawa da manema labarai a birnin Dutse yana mai baiwa ma’aikatun ilimi da lafiya umarnin su fito da tsare-tsaren su wanda zai sanya kada a take dokokin cutar COVID- 19.

A dai kwanakin baya ne gwamnan ya bada umarnin ma’aikata dake mataki na 12 su koma bakin aiki.

A ranar 24 ga watan Maris ne gwamnatin jihar ta bada umarnin ma’aikatan su yi aiki daga gida don kare kan su daga cutar Corona.