Da dumi –dumi : Ganduje zai bude makarantun boko a Kano

Gwamnan jihar Kano Abdullahi Umar Ganduje ya amince da a bude makarantun boko a ranar 10 ga watan Agusta don rubuta jarrabawar kammala sakandire a sassan jihar nan a bana.

Kwamishinan ilimi na jihar Muhammad Sanusi Kiru ya sanar da hakan a taron manema labarai da aka yi a yau Litinin.

Muhammad Sanusi Kiru ya umarci dukkanin shugabannin makarantu su tsara wajen karbar dalibai dake makarantun kwana a ranar 9 ga wannan watan na Agusta, don fara karatu gadan-gadan.

A dai watan Maris ne gwamnatin jihar Kano ta garkame makarantun jihar don kare dalibai daga kamu daga cutar COVID -19.