Ban yi na nadamar barin Real-Madrid ba – Gareth Bale

Tsohon dan wasan kungiyar kwallon kafa ta Real Madrid Gareth Bale, ya ce baya nadamar barin kungiyar kwallon kafa ta Real Madrid.

Bale ya bayyana hakan ne a lokacin da ya koma tsohuwar kungiyar sa ta Tottenham da ke kasar Ingila.
Bale ya ce duk da lokacin da ya na wasa a Real Madrid ya samu kwarewa sosai, amma bai yi nadamar barin ta ba.
Gareth Bale, ya koma tsohuwar kungiyar sa ta Tottenham a watan Satumbar da muke ciki, bayan ya kwashe shekaru 7 a kungiyar Real Madrid dake kasar Spaniya.
Bale ya zura kwallaye da dama a kungiyar ta Madrid, ya kuma lashe kofin zakarun Turai wato Champion League guda hudu, da kofuna daban-daban da ya taimakawa kungiyar ta Madrid ta dauka.
A kakar wasanni da ta gabata ta shekarar 2019/2020, mai horas da kungiyar ta Real Madrid, Zinedine Zidane ya sanya Bale a wasanni hudu kacal, wanda hakan ne a ke ganin ya tilastawa dan wasan sauya sheka zuwa tsohuwar kungiyar sa.