Bani da shirin takara a 2023 – Osibanjo

Mataimakin Shugaban ƙasa Farfesa Yemi Osibanjo ya ce, bashi da hannu kan rahotannin da ake yaɗawa na cewa ya fito takarar shugaban ƙasa a zaɓe mai zuwa.

Osinbajo ya bayyana hakan ne, a wata sanarwa ta hannu mai magana da yawunsa Laolu Akande, lokacin da yake martani kan wasu hotunansa, da suka karaɗe Kano a ƙarshen mako.

Sanarwar ta ce, a yanzu Farfesa Osinbajo ya mayar da hankali ne kacokan, wajen ganin Gwamnati ta magance matsalolin tsaron da Najeriya ke fuskanta, tare da bunƙasa tattalin arziƙin ƙasar.