Ƙasa da yini guda an yi ƙarin kuɗin wuta da farashin mai

Gwamnatin tarayya ta amince da kara sabon farashin litar man fetir zuwa Naira 151 da kwabo 56 a yau.

Kamfani sayar da man fetir dake karkashin ma’aikatar man fetir ta kasa wato NNPC, ne ya kara farashin man zuwa Naira 151 da kwabo 56 duk lita daya, sabanin Naira 138 da kwabo 62 kamar yadda yake a baya.

Hakan na kunshe cikin wata sanarwa ne da kamfanin ya fitar a jihar Ibadan a yau Laraba a kamar yadda jaridar Punch ta wallafa a shafin ta.

Sanarwar ta kara da cewa, za’a fara amfani da sabon farashin man da aka kara a yau Laraba 2 ga watan Satumba da muke ciki.