Connect with us

Labarai

Bill Gates ya nemi Najeriya ta ci gaba da rigakafin Polio

Published

on

Fitaccen attajirin nan kuma shugaban gidauniyar Bill and Melinda Gates, Mr Bill Gates, ya ce, duk da cewa hukumar lafiya ta duniya WHO ta ce babu cutar polio a kasar nan a wannan lokaci, amma yana da kyau hukumomi su ci gaba da gudanar da allurar rigakafi ga kananan yara.

Ya ce, abin alfahari ne kuma labari mai dadin ji yadda aka kawo karshen cutar, sai dai ba daidai bane a ce kuma za ayi watsi da digon rigakafin cutar domin kawar da duk wani burbushin cutar a kasar nan.

Mista Bill GATES ya bayyana hakan ne lokacin da ya ke wata ganawa da gwamnan Kano Dr Abdullahi Umar Ganduje da attajirin nan Alhaji Aliko Dangote ta kafar internet.

A cikin wata sanarwa mai dauke da sa hannun daraktan yada labarai na gidan gwamnatin jihar Kano Aminu Yassar, ta ce, shima ministan lafiya Dr Osagie Ehanire yana cikin mahalarta taron.

Sanarwar ta kuma ruwaito shugaban gidauniyar Dangote Alhaji Aliko Dangote na yabawa gwamnan Kano Abdullahi Umar Ganduje sakamakon jajircewarsa wajen ganin bayan cutar.

Click to comment

You must be logged in to post a comment Login

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv

Now Streaming

Copyright © 2019. Freedom Radio Group. All Rights Reserved.

error: Content is protected !!