Borussia Dortmund: Ba za mu sayar da Sancho ba

Kungiyar kwallon kafa ta Borussia Dortmund ta tabbatar da dan wasa Jadon Sancho zai ci gaba da zama a kungiyar.

Hakan ya biyo bayan yunkuri da Manchester United ta yi kan daukar dan wasan.

 Manchester United dai ta baza komar ta tare da nuna maitar ta a fili, yayin da take ganin dan wasan yafi dacewa da kungiyar fiye da kowace kungiya, amma sai dai hakar ta ba ta cimma ruwa ba.

Jadon Sancho, dan kasar Ingila mai shekaru 26, da Dortmund ta sayo daga Manchester City kan Yuro miliyan 10 a shekarar 2017, yanzu haka ta na neman a bata Yuro miliyan 100 a kan dan wasan.

Kawo yanzu dai United ta fara hakura da zawarcin na Sancho, inda kungiyar ta kuma ci gaba da shinshina dan wasan Real Madrid Gareth Bale da na Inter Milan Ivan Perisic.