Buhari: Kasancewar Najeriya dunkulalliya ita ce kawai mafita

Shugaban kasa Muhammadu Buhari ya ce zai fi kyautatuwa Najeriya ta ci gaba da kasancewa a matsayin dunkulalliya domin hakan ne kawai zai kawo ci gaban kasa.

Muhammadu Buhari ya bayyana hakan ne yayin bikin cika shekaru sittin da tara da haihuwar jagoran jam’iyyar APC na kasa Sanata Bola Ahmed Tinubu wanda ya gudana a Kano a ranar litinin.

Shugaba Buhari ya ce yana cikin ‘yan mazan jiya da su ka yi yakin basasar Najeriya tsakanin shekarun alif da dari tara da sittin da bakwai zuwa shekarar dubu biyu da saba’in, saboda haka, ba zai yadda ya yi duk wani abu da zai daidaita kasar ba.

Shugaban kasar wanda ya yi jawabin ta kafar internet daga fadar asorok da ke Abuja, ya kuma ce, zai yi duk me yiwuwa wajen ganin al’amura sun kyautata a Najeriya.