Buhari ya gaza cika alƙawuran da ya ɗaukarwa ƴan Najeriya – Majalisar Dokokin Katsina

Majalisar dokokin jihar Katsina ta zargi gwamnatin tarayya da gazawa wajen cika alƙawarin da ta ɗaukarwa ƴan Najeriya na magance musu matsalolin su.

Dan majalisa mai wakiltar ƙaramar hukumar Danmusa Aminu Garba ne ya bayyana hakan, ta cikin wani faifan bidiyo da jaridar Premium times ta nazarta.

Ya ce, tuni gwamnatin shugaba Buhari ta sauka daga gwadaben da ta yi alƙawari, musamman na tabbatar da tsaro da kuma bunkasa tattalin arziki.

Aminu Garba ya bayyana hakan ne daidai lokacin da al’amuran tsaro ke ƙara ta’azzara a jihar Katsina.