Buhari ya zargi ‘yan Najeriya da haifar da rikice-rikice a wasu jiohin

Shugaban kasa Muhammadu Buhari ya zargi wasu ‘yan Najeriya da yin tasiri wajen haifar da rikice-rikicen da ake gani a sassan kasar nan.

A cewar shugaba Buhari nan ba dadewa ba za a shawo kan matsalar ta hanyar amfani da karfi da kuma tasirin bayanan sirri don a gano su, kuma a magance su.

Shugaban na bayyana hakan ne a yayin da yake ganawa da gwamnonin arewa masu yammacin kasar nan a jiya Talata, don tattauna batutuwan da suka shafi harkokin tsaro a jihohin nasu.

Ya ce, sha’anin tsaro abin damuwa ne matuka a don haka gwamnatin tarayya za ta ci gaba da aiki tukuru don dakile ayyukan masu tada kayar baya.