CAF: Enyimba ce za ta lashe gasar – Fatai Osho

Mai horas da kungiyar kwallon kaga Enyimba, Fatai Osho, ya ce, yana da kwarin gwiwar  kungiyar za ta zama kungiya ta farko a Najeriya da za ta lashe gasar cin kofin kalubala ta kungiyoyin Afrika.

A yanzu haka dai kungiyar tana kan a rukunin A tare da Orlando Pirates a Afrika ta kudu da Entente Sportive Setif dake Algeria da kuma Al Ahli Benghazi a Libya.

Enyimba dai ta samu fitowa ne yayin da ta doke Rivers United a bugun daga kai sai mai tsaron raga bayan sunyi canjaras da ci 1-1.

A kuma ranar goma ga watan Maris mai zuwa ne kungiyar za ta karbi bakuncin Ahli Benghazi daga kasar Libya.