Champions League: Manchester United ta yi canjaras da Atalanta

Kungiyar kwallon kafa ta Manchester United da ke kasar Ingila sun tashi wasa 2 da 2 da kungiyar kwallon kafa ta Atalanta da ke kasar Italiya a gasar Champions League a ranar Talata 02 ga Nuwambar 2021.

Wasan da ya gudana a filin Gewiss dake kasar ta Italiya.

Dan wasa Josip ne ya fara zura kwallon farko a minti na 12 da wasan.

Kafin daga bisani dan wasan Cristiano Ronaldo ya warware kwallon a minti na 45.

Jim kadan bayan dawowa daga hutun rabin lokaci dan wasa Duvan Zupata ya kara ta biyu a minti na 56.

Yayinda a minti na 90 Ronaldo ya sake zura kwalle ta biyu kuma jummala Manchester United da Atalanta suka tashi wasa 2-2.

Yanzu haka dai Manchester United da Villarreal na da maki 7 kowannansu a matsayin na 1 da na 2 a wasan hudu da suka buga yayin da Atlanta ke a matsayin ta 3 da maki 5 sai Young Boys dake na 4 da maki 3 a rukunin da suke na F.