Club Brugge: David Okereke ya kamu da Coronavirus

Kungiyar kwallon kafa ta Club Brugge, ta bayyana cewa dan wasan ta David Okereke dan asalin Najeriya, ya kamu da cutar Corona.

Club Brugge ta ce an samu dan wasan ne dauke da cutar, bayan da aka yi masa gwajin lafiya a kungiyar dake kasar Belgian.

David Okereke ya zama na uku a cikin manyan ‘yan wasan kasar nan da suka kamu da cutar bayan Paul Onuachu da Samuel Kalu.

Kungiyar ta kuma ce, an kilace dan wasan mai shekaru 23, haka kuma za’a sake yi masa gwajin a mako mai zuwa.